اِن خانوں کے بند کواڑوں کے پیچھے  ابھی بھی کچھ دھندلی سی تصویریں باقی ہیں وہ تصویریں جو میں نے ایک بھیانک سفر کے دوران دیکھیں تھی اور جب میں بہت تیز بارش میں کھڑا بہت تیزی سے گزرتے ان لمحوں کو اپنی تیسری آنکھ سے دیکھ اور ساتویں حس سے محسوس کر رہا تھا تب بھی میں نے یہیں تصویریں دیکھیں تھی مگر اب میری آنکھیں کجلا گئی ہیں اس لیے میں اب اُن تصویروں کومناسب صورت مہیا نہیں کر سکتا

تمہیں تو یاد ہوگا کہ میں وہی ہوں لیکن مجھے نہیں یاد کہ تم وہ ہو میں تو سچ مچ ہر بات بھول گیا تھا مگر یہ کیا کہ یہاں اک ایسا خانہ بھی موجود تھا جو پہلے کبھی میں نے نہیں دیکھا وہاں بےتحاشا روشنیاں ہیں ایسی روشنیاں جن میں نظر ماند پڑ جائے اور تم اب ان روشنیوں میں اندھیرے کی اک لہر بن کے ابھر رہے ہو، ہر لمحہ اس اندھیرے میں اضافہ ہوتا چلا جا رہا ہے لیکن میں پھر سے اندھیرا نہیں چاہتا میں پھر سے مرنے کے لئے جینا نہیں چاہتا،

عادل عادی

جواب

تو راہ فرار اختیار کر لو۔ کیوں ان نادیدہ تصورات میں الجھ کر اپنا سکون برباد کر رہے ہو۔ ویسے معاف کیجئے گا سکون کا لفظ بھی تم نے پہلی بار سنا ہو گا۔
تیسری آنکھ اور ساتویں حس جس میں ہو وہ کبھی سکون سے نہیں رہ سکتا۔ کیونکہ مشاہدات ، حادثے، اور واقعات کو جو دنیا سے ہٹ کے دیکھتا ہے۔ دنیا اسے ابنارمل سمجھتی ہے۔ وہ خود اپنے آپ میں بڑا حساس ہوتا ہے۔

ویسے چلو کیا یاد کرو گے آج ایک حقیقت تمہیں بتاتا ہوں میں خود ابنارمل ہوں۔ بار دگر حادثات اور حد سے زیادہ نا خوش گوار واقعات نے مجھے بھی ابنارمل کر دیا ہے۔ مگر کچھ بھی ہو میں تمہیں آج مخلصانہ مشورہ دوں گا۔ کہ تم ابنارمل مت ہونا کیونکہ اگر جلتی ہوئی آنکھوں سے ہر منظر دیکھو گے۔ تو ایک دن اسی آگ میں جل کر خود بھی بھسم ہو جاؤ گے۔

خیر۔رہے نام اللّٰہ کا

کاشف ساحر