یوں تو رمضان المبارک پوری دنیا کے مسلمانوں کے لیے رحمت ومغفرت کا مہینہ ہےلیکن ہم پاکستانی مسلمانوں کے لیے اس مہینہ اور اس کی مبارک ایک شب کی خاص اہمیت اس وجہ سے بھی ہےکہ اللہ تعالئ نے اس مبارک رات میں ہمیں آزادی عطاء فرمائی تھی رمضان کی ستائیسویں شب کو پاکستان کی تشکیل گویا اس حقیقت کی طرف اشارہ تھاکہ اس مملکت خداداد میں اسی کتاب مقدس کا نظام زندگی نافذکیا جاۓ اس اعتبار سے رمضان المبارک،تشکیل پاکستان کی سالگرہ اور اللہ تعالئ سے کیے ہوۓ عہد ہمارے عہد کی تجدید کا موقع بھی ہے۔
بے اثرروزے۔
آج ہمارے روزوں کے وہ فیوض و برکات ظاہر نہیں ہوتےاس کی اصل وجہ یہ ہے کہ ہم روزے کے اصل مقصدتقوئ سے بے خبر ہیں۔
اس کی اہم شرائط ایمان اور احتساب دونوں سے غافل ہیں۔
جس کی وجہ سے ہماری نمازیں دکھاوے کی ہیں اور روزے نمائشی ہیں۔
زکوة:
اللہ تعالئ کے عطاء کردہ معاشی نظام میں زکوة کو بنیادی اہمیت حاصل ہے۔
زکؤة کا اندازہ کچھ اس س بھی ہوتا ہے کہ قرآن میں اکثر مقامات پرادائیگی نماز کے ساتھ ہی ادائیگی زکوة کا حکم بھی دیا گیا ہے۔
نماز اگر بدنی عبادت ہے تو زکوة مالی عبادت ہے۔
نظام زکوة کی اسی حیثیت کے پیش نظر حضرت ابوبکر صدیقؓ زکوة سے انکار کرنے والوں سے باوجود کہ وہ کلمہ گو تھے جہاد کیا۔
حضرت ابوبکر صدیقؓ نے فرمایاکہ میں اپنی زندگی میں ان دونوں فرائض کی تکمیل میں کوئی فرق نہییں ہونے دوں گا۔
جو انسان زکوة ادا کرتا ہےوہ اللہﷻ کے حکم کے مطابق اپنا مال پاک کر لیتا ہے۔
ادائیگی زکوة اسے یہ بھی یاد دلاتی ہے کہ جو دولت وہ کماتا ہے وہ حقیقت میں اس کی ملکیت نہیں بلکہ اللہﷻ کی طرف سے دی ہوئی امانت ہے۔
